مرّ الحلو... / بقلم : مها ريا

مرّ الحلو

منْ بعدْ ما 

طوّلْ علينا غيابْ

هَمّ الدّني 

حاملْ على كتافو !

شو بدّلو ؟

مِنْ قبلْ حتّى 

مَ سْألو ، ليشْ غابْ ؟

دمعو حكي 

معْ رجفة شفافو 

مَ قْدرتْ احكي

وخبّرو  شو اللّي جرى

وقفْ الحكي...

مو هيكْ مستنّي !

جاييي  لَ يرخي

الحملْ عنْ كتفو ، وعلى 

كتفي تِكي

يسمعْ خبرْ منّي  

شو بخبّرو...؟

ياريتْ في 

عندي خبرْ !

يِحْيِي  الأملْ

 هـَ لْ غابْ بعيونو 

وجبلو حكي 

بيفرّحُو

لَ تْبانْ

ضحكة بعشقا

 تلمعْ  على سنونو 

لو كانْ في 

عندي أملْ !

ما كنت أنا بْخبّي 

عالجاي مافي باب، 

والحاضر مصدّي

شو عليه

 لو مرة كْذبت 

وعشنا الحلم كذبة.